Armenian

                   

17.02.2017

 

                        Մամլո հաղորդագրություն     

Հասցե`  ք. Երևան, 0010, Նալբանդյան 13 

Էլ փոստ`info@sif.am

Հեռ.` (060) 654 013 , (010) 52 15 94 

Մամլո քարտուղար` Արամայիս Շահբեկյան

Հեռ.` (060) 654 011 , (041) 51 14 11

Երեխայի ծննդյան միանվագ նպաստ ստանալու համար քաղաքացիները կարող են դիմել առցանց առանց տարածքային բաժին այցելելու

 

Երևան, 2017թ. Փետրվարի 17: ՀՀ աշխատանքի և սոցիալական հարցերի նախարարության սոցիալական ապահովության պետական ծառայությունը դիմում է բոլոր քաղաքացիներին առաջին և երկրորդ երեխաների ծննդյան դեպքում միանվագ նպաստի համար դիմել առցանց, առանց սոցիալական ապահովության տարածքային բաժին այցելելու։

Դիմումը լրացնելուց առաջ պետք է գրանցվել www.epension.am կայքում, որից հետո լրացնել առցանց դիմումը, որը տևում է մոտ 5 րոպե:

Ընդ որում դիմումը կարող է լրացվել նաև 3-րդ անձի կողմից, միևնույն է նպաստի գումարը  կստանա երեխայի հայրը կամ մայրը:

Հատկանշական է նաև այն, որը նպաստը ստանալու համար պարտադիր չէ բանկային հաշիվ ունենալը. այն կարող եք ստանալ բանկ այցելելու միջոցով:

2016թ.-ին մոտ 32.000 նպաստ է նշանակվել ընտանիքում ծնված առաջին կամ երկրորդ երեխայի համար:

Սոցիալական ապահովության պետական ծառայութունն այժմ աշխատանքներ է տանում 3-րդ և հաջորդ երեխայի նպաստի համար ևս առցանց դիմելու և ստանալու հնարավորություն  ստեղծելու ուղղությամբ։

Նշենք, որ համակարգը մշակվել է ԱՄՆ ՄԶԳ աջակցությամբ ՀՀ աշխատանքի և սոցիալական հարցերի նախարարության և ԱՄՆ ՄԶԳ համագործակցության շրջանակներում:

2017թ.-ի փետրվարի 10-ի դրությամբ արդեն իսկ ստացվել են երեխայի ծննդյան միանվագ նպաստի 484 առցանց դիմումներ, որոնցից 303-ի մասով նպաստն արդեն վճարվել է:

 

###

 

Երեխայի ծննդյան միանվագ նպաստ ստանալու համար քաղաքացիները կարող են դիմել առցանց առանց տարածքային բաժին այցելելու

 

 

© 2012 Հեղինակային իրավունքները պաշտպանված են:

Սույն վեբկայքում տեղադրված տեղեկատվությունը և լուսանկարները պաշտպանվում են հեղինակային և հարակից իրավունքների մասին Հայաստանի Հանրապետության օրենսդրությամբ: Առկա նյութերն ու լուսանկարներն արտատպելիս, ամբողջական կամ մասնակի օգտագործելիս հղումը www.ssss.am վեբկայքին պարտադիր է: 

_____________________________________________________________________________________________________

Պաշտոնական էլեկտրոնային փոստ` 39065702@e-citizen.am

(միայն www.e-citizen.am համակարգով ծանուցումների համար)